U3F1ZWV6ZTE2NTU4NDY2MzgxNDkyX0ZyZWUxMDQ0NjUxMjQxODE0Mg==

مراجعة أرخص هاتف مناسب للألعاب مع بطارية قوية Infinix Hot 10

مراجعة أرخص هاتف مناسب للألعاب مع بطارية قوية Infinix Hot 10


مراجعة أرخص هاتف مناسب للألعاب مع بطارية قوية Infinix Hot 10

عالم الهواتف فى العام 2020 ممتلئ بالمفاجأت لكن اكثر ما يعدنا هو التقدم التكنولوجى الكبير وبالخصوص للهواتف الاقتصادية بمعنى اخر تستطيع ان تشغل كل تطبيقاتك والعابكفقط من خلال هاتف ثمنة يصل تقريبا الى 2500 جنية مصرى فقط ومن بين تلك الاجهزة جهاز الريلمى والان مع هاتف انفنكس التى تعمل هذه الفترة عمل جيد فى تحسين جودة المعالجات فى هواتفها وتدخل الاسواق هذا العام بهاتف قوى لا يقل فى امكانياتة عن هواتف الريلمى والشاومى.


الهاتف هو هاتف Infinix Hot 10 الذى يعمل بمعالج قوى جايمنج يعمل على تشغيل جميع الالعاب تقريبا وبكل سهولة وسعر اقتصادى ومميز وسوف يتم مقارنتة باجهزة الريلمى والشاومى


تصميم الهاتف


تتميز اجهزة انفنكس بحجم شاشة كبير بالمقارنة مع الهواتف الاخرى المنافسة لهم والكثير يفضل ذلك من مستخدمين اجهزة هواتف انفنكس وبالنسبة لجهاز وهاتف اليوم وهو انفنكس هوت 10 يتميز بشاشة كبيرة مع سعر اقتصاى جدا.


أما بالنسبة لشكل كاميرات الهاتف فأنا مقدر المجهود اللي إتعمل ومحطوطين في مربع ومواكبين 2020 .. ولكن شكلهم عجيب مش عارف، حاسسهم مرصوصين ورا بعض .. وكمان الفلاش تحسه كاميرا فا تحس إنك ماشي بدسته كاميرات في الظهر .. هي مش عجباني ولكن برده ممكن تعجب الزبون الإقتصادي.

الموبايل وزنه 195 جرام .. نفس الوزن بتاع المنافسين .. وتخانه الـHot 10 حوالي 8.9 ملم وده برده يعتبر زي المنافسين .. الفكرة بس زي ما قولتلك في الحجم الـHot 10 هو الأكبر.


الشاشة :-

أكبر شاشة إقتصادية، بتيجي بحجم 6.78 بوصة من نوع IPS LCD بدقة HD+ .. ولكن في نقطة تفوق بوجود شكل الشاشة الـPunch Hole .. واللي غايبة على المنافسين.


شاشة Hot 10 بالنسبة للمنافسين :-


بالنسبة للسطوع فا أعلى سطوع كان Realme C3، وفي المركز التاني Hot 10، وفي المركز الأخير كان الـRedmi 9 .. بالنسبة لأحلى ألوان فالـC3 في المركز الأول ثم Hot 10 والمركز الأخير Redmi 9.


كثافة البيكسلات أحسن واحد فيهم Redmi 9 علشان هو الوحيد اللي دقته FHD+ .. والمركز التاني Realme C3 لإن شاشته HD+ وشاشة أصغر شوية .. والمركز الأخير Hot 10 بشاشة HD+ وهي أكبر واحده.


شكل الشاشة فا المركز الأول هيبقى الـHot 10 علشان تريند الـPunch Hole .. المركز التاني الـRedmi 9 علشان الحافة السفلية أقل شوية .. والمركز التالت الـC3، حجم الشاشة .. المركز الأول Hot 10 والتاني Redmi 9 والأخير C3.


شاشة Hot 10 مش وحشة خالص ومش نقطة ضعف في الموبايل ده .. ممكن متكنش المركز الأول .. بس هي ليها نقط تفوق برده .. في الحجم الكبير والتصميم مثلًا.


وفي نفس الوقت ألوانها وسطوعها متوسطين مش هيضايقوك .. تعليقي الوحيد الدقة الـHD+ ولكن دي نفس دقة كل الموبايلات المُنافسة ماعدا بس Redmi 9 هو اللي كان فلته.


هتلاقي سكرينه بلاستيك في علبة الموبايل ممكن تركبها لحد أما تشتريله سكرينه كويسة.


الأداء :-

زي ما قلتلك في بداية المراجعة .. شركة انفينكس بتتغير .. إستخدمت معالج ميدياتيك Helio G70 بتكنولوجيا 12 نانو في الموبايل ده .. معالج Gaming إقتصادي .. وفي مراجعة Infinix Zero 8 .. وضحتلك قد ايه واجهة انفينكس خفيفة جدًا .. على حساب إن مفيهاش Animation ولا في إضافات في الواجهة.


في نفس الوقت .. الـHot 10 بيجي بـ4 جيجا رام .. وبالتبعية .. أداء الموبايل حلو جدًا .. يكاد يكون أسرع من Redmi 9 في فتح البرامج بسبب الـAnimation التقيل بتاع شاومي مش أكتر .. وتقريبا في نفس سرعة Realme C3.


الأداء الرسومي .. لعبة ببجي بتشتغل على High HD .. واللعبة بتشتغل كويس جدًا مفيش تقطيعات او تهنيجات .. لعبة كول اوف ديوتي إشتغلت على اعدادات جرافيك Medium واللعبة بتشتغل كويس جدًا.


ايوة زي C3 وريدمي 9 .. فين الجديد ؟ .. الجديد في نقطة السخونية .. الـHot 10 بيسخن أقل بفرق ملحوظ عن Redmi 9 وC3 .. وده سيناريو مش أول مرة يحصل .. برده لما جربت Infinix Zero 8 اللي بنفس المعالج الموجود في Realme 6 لاقيت الزيرو 8 بيسخن أقل بفرق ملحوظ.


فا واضح جدًا إن انفينكس إبتدت تهتم وتطور من الخامات الداخلية في الموبايلات بتاعتها علشان تعيش أكتر .. وحقيقي أنا من أول Infinix Note 7 وبعدها Zero 8 وأخرهم Hot 10 .. وأنا مبسوط من أدائهم ومش بيوصلني شكاوي كتير من المُستخدمين الحقيقين لموبايلاتهم.


عوامل الأمان وعناصر اخرى :-

بصمة في الظهر .. سريعة مش بتقل حاجة عن المنافسين .. الـFace Unlock سريع برده وميقلش أي حاجة عن المنافسين.


موبايل Hot 10 جاي بسوفت وير XOS 7.0 المبني على Android 10 .. وده نفس سوفت وير Zero 8 وفيه نفس الملاحظات بالظبط .. هتلاقي كل حاجة عن السوفت وير في مراجعة Infinix Zero 8.


الفلاش الأمامي بتاع السيلفي لمبة واحدة فقط .. بتنور بنور هادي مع الشحن، إنما غير كده مش بتنور مع الإشعارات .. المستشعرات كلها موجودة .. ضوء، تقارب، جيروسكوب.


أما بالنسبة لصوت الموبايل فا هو جاي من سماعة واحدة وإتفاجئت إن صوتها عالي .. بس التجسيم مش قد كده .. بس مُجملًا الصوت أقل حاجة بسيطة من ريدمي 9 واعلى بكتير من C3.


صوت سماعة المكالمات في Hot 10 عالي ومُمتاز وبيدعم تسجيل المكالمات .. بس مفهوش ميكروفون اضافي لعزل الضوضاء للأسف.


أما بالنسبة لقوة شبكات الـWiFi والإتصال فهو أحسن من المتوسط بشوية .. مش هتواجه معاه مشاكل.


البطارية :-

بطارية كبيرة بتيجي بحجم 5200 مللي أمبير .. أدائها كويس زي المنافسين، حوالي 9 ساعات شاشة مفتوحة .. تقل أو تزيد حسب إستخدامك.


منفذ الشحن هنا قديم Micro USB 2.0 زي الـC3 .. والشاحن المرفق 10 واط .. ولكن زمن الشحن كويس جدًا .. الموبايل شحن في ساعتين ونص بس .. وده وقت كويس جدًا على شاحن 10 واط وبطارية بالحجم ده.


الكاميرات :-

الموبايل بيجي بـ4 كاميرات في الظهر .. الأساسية 16 ميجا بيكسل والتانية 2 ميجا بيكسل للماكرو والتالتة 2 ميجا بيكسل للعزل والأخيرة 2 ميجا QVGA للمُساعدة في التصوير الليلي .. يعني مفيش Ultra Wide.


والسيلفي بيجي بدقة 8 ميجا بيكسل ومعاه فلاش قوي مزدوج.


سوفت وير الكاميرات فيه الـSuper Night Mode ولكن في الكاميرا الخلفية بس.


مُجملًا وبعد صور كتير .. أنا شايف كاميرا Hot 10 مش وحشة خالص .. الألوان ممكن تكون باهته شوية أحيانا وأحيانًا لا .. بتلاقيها مظبوطة على حسب مُعالجة الصورة اللي إتصورت .. ولكن أداء الـHot 10 في الكاميرا الخلفية متوسط بين Redmi 9 و Realme C3.


أما بالنسبة للكاميرا السيلفي فالـHot 10 هو الأضعف والأقل وسط المنافسين من ناحية جودة الألوان والتفاصيل .. وشكل الصورة عمومًا.


بالنسبة بقى لتصوير الفيديوهات فالموبايل إقتصادي .. بيصور فيديوهات على 1080p وطبعًا مفيش ثبات إلكتروني ومفيش ميكروفون اضافي لعزل الضوضاء.


شوف تجربة التصوير فيديوهات وصور بالموبايل في فيديو المراجعة في أخر المقال !


سعر الموبايل :-

سعر الموبايل الرسمي لسه متحددش .. ولكن الموبايل هيجي بنسخة واحدة بمساحة تخزين 64 جيجا مع 4 جيجا رام واتوقع ان النسخة دي تيجي بسعر 2300 جنية .. وبينفع تركب شريحتين إتصال مع كارت ميموري في نفس الوقت.


تعليقات
ليست هناك تعليقات
إرسال تعليق

إرسال تعليق